الرئيسية
أحدث الصور
انسان الجمعة أكتوبر 08, 2010 12:28 amالـجـرح مـاهـو خـاطـر شــوي ويــروق
الـجــرح حـتــى لـــو تـشـافــى يـعـلـلـك
واذاك مـتـحـمـس مـتـاهــات وطــــروق
انـــا تـعـبـت اشـــد حـيـلـي واحــاولــك
سماي ما شـيّ شمـس ورعـود وبـروق
والـريــح مـاهـبـت ولايــجــري الـفـلــك
والقلـب ناشـف بحـر وشقوقـه شـقـوق
وشـلــون بـيـكــوّن ســحــاب ويـبـلـلـك
يـا ضامـي انـا الضمـا ومتشبـع حـروق
واذاك ضـامـي للمـواصـل .. انــا هـلــك
هلك ووقف في وجهـي الاصـل والـذوق
والمجتـمـع والـعـرف والـفـقـر واهـلــك
متعـومـس وحـــزن الـنـبـلاء مـرمــوق
يعنـي لـو احتـاج الـك ماجيـتـك اسـألـك
الـلـي عـلـي اشـكـي واعاتـبـك ـرفـوق
واقـــولـــك ودي مـــاعــــاد اتــأمــلـــك
مـــن دورة الايـــام يـاخــوك مـخـنــوق
الـوقـت مشـانـي مــن الـسـلـك للـسـلـك
ازل خـطـوه .. بــس مــا ازل مـنـطـوق
ولـو صـارت ابحـب خشـمـك واجامـلـك
يـبـقـى الـبـنـي ادم مــجــرد ومـخـلــوق
ملـك .. ولكـن فــي الحقيـقـه بــلا مـلـك
كــذاب.. قـايـل كــل مـطــرود مـلـحـوق
سنيييين وانا اطردك وازريت لا اوصلك
كـنـك تطـيـش وكـنـي ادور فــي طــوق
كـل مـا وصلـت اخــرك يطلعـلـي اولــك
ليـت مـافـي خـاطـري شــوق وحــروق
ماكـان حسيـت ان انـا بــس مــن كـلـك
الشـوق ماهـو رعشـه وقبضـة عــروق
وماهو اللـي مـن شينـك فعينـك يجملـك
وماهـو شعـور ياخالـق الـروح بـرفـوق
وماهو سحر ولا ادري والله شقول الـك
انــا سحـابـة حـلـم وتطـيـر بــك فـــوق
وتــطــيــر ولا ودك انـــهـــا تــنــزلـــك
الشـوق هـذا .. والا انـا شوقـي الـبـوق
ماقـد حصـل فـي شـوق هــذي ولا تـلـك
تدري وش اسوي ليا اضناني الشوق؟؟
اســــوي بـعـيـونــي كـــــذا واتـخـيـلــك
واقــربــك واتــــوق واتــــوق واتــــوق
واكــثــرك واحــلــف مــاعـــاد اقـلــلــك
واصورك في الموق وتكبر على الموق
وتطيـح مـع دمعـي علـى ايـدي واقبـلـك
هــذا غــلاي الـلـي مــع الـــدم مـدقــوق
ولا عـاد تسـأل عـن شعـوري وازعـلـك
محـبـة ماهـيـب مــن طـــارف الـســوق
لــو انـــك تـوكــل.. كـــان والله لاكـلــك
جيتـك حقـوق ورحـت ماعنـدي حـقـوق
وان قلـت مـا احـبـك ابجـحـد مواصـلـك
احـبـك .. الا يــا بــري حـالـي وعـــوق
مـن كثـر مـا احبـك اخــاف انــي اقتـلـك
